Kumpulan Sajak Rizki Sanjaya Masbox

Hujan 1
Euweuh careurik, aya ku ayana angger careurik. Duh Gusti naha Anjeun téh disalahkeun waé?

Hujan 2
Aduh naon ieu téh? Alah popoéan can diarangkatan.

Hujan 3
Der turun paudag-udag jeung balad-baladna. Pék tah. Titeuleum!

_________________________________________________________________

Hiji Ogé Maung

Sakali Maung, Maung satuluyna

Dék aya sabaraha Maung gé di Bandung

Haté mah angger ka Maung Bandung

_________________________________________________________________

Tunggul Karahayuan

Harita sagala genah

Basa kuring dititimang

Ayeuna kagenah éta leungit

Basa anjeun tilar dunya

_________________________________________________________________

Lalakon Dunya

Hirup mah kudu dijieun babari

Tapi angger kudu boga taki-taki

Sakali metu kudu jadi

Meunang widi, tangtu moal jalir jangji

Siga gula jeung kopi

Najan béda, bisa ngahiji ku cai

Siga kuring jeung salira

Mun ngahiji, moal weléh silih jagi

_________________________________________________________________

Pamass Moro Bueuk

Ku ieu cara, urang manggih jalan

Ku ieu cara, urang nambah babaturan

Ku ieu cara, arurang babarengan

Najan salah,

Aya mangsana urang eureun.

_________________________________________________________________

Titilaras

Aya mangsana urang di luhur,

Aya mangsana urang di handap,

Reup...

Lampu pareum.

_________________________________________________________________

Alam Dunya

Kaéndahan ieu teu haratis,

Kudu dibayar ku tanggel waler,

 Urang nu jadi panata calagara,

Urang nu nangtoskeun kumaha tungtungna.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.